Nizan kan Carol leh chu kan hlim leh hle chungin kan music nei tha lo bawk kan buaipui a, mahse Pathian in min tanpuia kan kalna ten min lo dawngsawng tha leh em em hlawm a, dar 9 :30PM ah bawk kan tawp leh a, THQ lampanin kan hawng leh ta nghala, kan finance lam ten an buaipui leh nghal char chara a vaiin RS 10700/= lai kan hmua, zan hmasa kan khuma a lawmawm in a tihzia ngei mai, Pathian thlarau tanpuina liau liau a ni e.
ZAN IN, 11.12.2008 Nilaithawhtan zan CAROL report: Vawiinah Womens Ministry lam ten Picnic an neih avangin an lo haw tlai sia, kan Carol neih tur ka lungkham bawk nen, Officer thenkhat hna pawimawhah ka tir chhuak nual bawk si, Picnic lamin Office mipa an kalpui alo ngai bawk si nen, Appeal Letter sem tur, hmun hma hre deuh an vang ta hle maia, mahse senior Officer Majors Punjalal, Dalvi leh Yakub te ka tir chhuak ta ngawt maia, an senior tlang sia an zahawm hle mai, mahse phur awm takin an kala, chu chuan min ti lawm khawp mai. Major Tribhwan pawh Court lamah Nodal Officer hnen atanga Court fee stamp lei tur leh, kan Legal Adviser hnen a, tihfel ngai, kan in luahtu hnen atanga kan lak let lehna tur document Rs 200,000/- siam tur a ka tih chu, a rawn tifel nghal vek bawka, a tihzia hle, naktukah TC zin chhuah hmain Kan tenant leh a witness te kan ko vanga, kan sign tir anga, Rs 200000/- pawh draft lo siam fel diam nghal turin Fin.Secy. ka chah bawka, tih fel nghal vek tur a ni ang.
Zanin 11/12/08 kan Carol chu ka huphurh ru hle maia, mahse kan tang tlang hle mai thunga, kan Tawngtaina Pathianin min chhan sak chiang leh hle maia, dar 10:00 PM ah THQ kan thlenga, Finance lam ten an han chhiar fel meuh chuan RS 13827/- lai mai leh thawmhnaw engemaw zat kan lo hmu reng maia, a ropui hle mai.
Khawlaia kan haw lam kan tlan mek laiin, mi pakhat hian 'Salvation Army lo ding rawh u" a rawn tia, Traffict avangin din mai theih a ni lova, thui deuh kan tlan hnuin kan ding thei chauh maia, min lo ko tu pawh hmanhmawh ve fe in alo tlan pheia, Major Tribhwan a chhuka, hlauthawng ru deuh hian "Shab, hei kan Chief Secretary pawh he ta hi a thu a" atia, chupa chuan "Good Evening Sir, nizan kan veng lam in lo kal laiin kan lo awm lova, hei tlem te pawisa in bawmah thlak ve ka duha, rem lo chungin ka han au mai che u a ni" atia, kan bawm kengtu mi 4 te an chhuak a, bawm tinah chuan Rs 100/- aia tlem lo theuh a thlaka, chu chuan min ti lawm tlang hle mai.
Sion Girls Home ten an rawn thawhhlawk leh em em maia, a tihzia thin ngawt mai, naktukah kan hmuhchhuah atangin Cassio te deuh kan lei ngawt loh phei chuan, kan zai key a in mil lo thin lutuka, chu chuan keimahni leh keimahni pawh min ti beidawng lek lek thina, kumdangah pawh kan la duh zel thovanga, tiin, lei turin kan nau te ho pawh ka han hnem ta ngawt mai a, an lawm dar dar khawp mai. Zan dar 11 PM chiah a ni taa, ka thil chhinchhiah duh te ka zo ta e.
Subscribe to:
Post Comments (Atom)
2 comments:
Kha maw, blog neih chu tha deuh asin, a hun laiin i hriat reng duhte, pawisa te pawh a figure nen lam chiang takin i ziak nghal thlip thlep thei a, lehkahtuia ziak nilo tih ang deuh khan pen maia ziak loin thil i chhinchhiah tha ta thlip thlep mai.
Pathianin in tawngtaina te a chhang a, in carol tluang taka in neih piah lamah sum thahnem tak, beisei piah lam daih in hmu hi ka lawmpui tak zet che u. Thahnemngai leh hah taka thawh chhuah a, hlawhtlinna hmuh tluka hlu hi a awm lo e...
In carol chu Pathianin mal a sawm hle mai. In inpekna zarah mi chanhai ten sum leh thawmhnaw dawngin malsawmna an hmu a. Tin, sum leh pai leh thilpek dangte pek duhna thinlung nei khawpin mite rilruah hna a thawk hi a ropuina pakhat chu a ni bawk. Mumbai khawpui tan kan lo tawngtai ve e.
Post a Comment