Wednesday, December 10, 2008

MIN NGAIDAM RAWH U, RS 7010/- a ni e.

KaPu, Kapa Pa, hi Zathuama CSM Biate Corps a mi a nia, vawikhat chu Bible a chhiar thiam tirh lam hian "Sanghawngsei hriau beng a luh tlang" thu kha Pu Khualiana te nen an chhiara, ka Pu khan Bible a chuang mah ni se, awih har a ti hle ni tur a ni, " A, Khualian, a ni thei lovang, Luka te hian Isua thu sawi hi an hre sual a ni ang, Sanghawngsei benga Hriau luh tlang a awlsam zawk ang, chutiang lam chuan a sawi anga, Luka te hi a hnung lam deuhvah an thu anga, an hre letling a ni ang" ti khan a ngaihdan a siam a, mahse a ni ngaihdan atanga lak tur ni si hek lo, tun thleng hian a nih ngai in ala ni ta renga, tihsual leh ngaihsual te hi chu a awm khawp mai.

Kei pawh nizan a kan Carol pawisa hmuh hi ka ziak sual duai maia, RS 7010/= tih ka tumin Rs 70100/= ka han tih daih a nih hi, min ngaidam rawh u, ka tih fo thin hi, tlem chuan kan lo afternoon ta deuh chu a ni ang.

3 comments:

Varte said...

Carol chanchin i sawi a,lung i ti leng e... Colonel Zamlovate hunlai khan kei pawh vawi khat Kolkatta-ah IET Band ho nena an carol na-ah ka kal ve... "Chamka he.." tihte an sa.

Chuan inchhawng sang pui puiah khan bawm an han dawh kual a, zai a ring mawh hle, i thahnemngaihna hi ka hrethiam pha ve e...

Zairemthiama Pachuau said...

I ziah sual zat hi hmu zawk ula ka va ti ve! Mahse a dik zawk pawh khi a tamin a ropui reng reng. In titha lutuk. I nauteho hnenah chuan Nu Kawlin 'Wheat Tham' a la khawn thin em. Ar sawhchiar pirpui bawk rawh u. Keini chu kan Corps mi leh saten kan Ina tawngtai inkhawm an rawn neih apiang hian Mizo thil hi kan lo hlui thin a, Ar sawhchiar pawh tui an tive khawp mai.

ZL said...

Dini sawi ang hian Kolkatta-ah khan kan "Chamka he..." ve lauh lauh a. IET Band ten min rawn pui a, a nuam viauva. Min haw san hnu chuan le a va han chi lo thei teh reng em...keini ang duang tan chuan phai awm tihrehawmtu a tling. Mahse SA hi an lo ngaisang viauva rin ai takin kan hmu tha thin.Pu Rama hi ka hriatthiampui khawp mai. Kan thiante ho hi zai lamah chuan an lo tlachham ve leh chhawng thin hle mai si a. Zan dangah pawh malsawmna tam zawk dawngin lo hmu teuh teuh teh u.